Pormal nang milingkod isip bag-ong City Director sa Iligan City Police Office (ICPO) si PCOL JEFFREY B. BILARO atol sa Assumption of Office Ceremony nga gipahigayon kagahapong adlawa, Oktubre 18, 2026.
Gipangulohan ni PBGEN AARON M. MANDIA, Deputy Regional Director for Administration, ang maong seremonya nga nagtimaan sa opisyal nga pagsulod ni PCOL BILARO sa iyang bag-ong katungdanan isip City Director sa kapulisan sa dakbayan sa Iligan.
Kahinomdoman, nga ang niaging City Director nga si PCOL Mario Baquiran Jr. niretiro na sa iyang katungdanan. Lauman nga ipadayon sa bag-ong City Director ang pagpalig-on sa seguridad, pagmintinar sa kalinaw ug kahusay, ug pagpauswag sa pagserbisyo sa ICPO ngadto sa katawhan.
