Mibiyahe na sa Egypt kagahapong adlawa Lunes, Oktubre 6, 2025 ang mga negosyador sa Israel, nga gipangulohan ni Strategic Affairs Minister Ron Dermer, alang sa negosasyon sa Red Sea resort sa Sharm el-Sheikh bahin sa pagpagawas sa mga hostages.
Kini kabahin sa plano ni US President Donald Trump nga tapuson ang hapit duha ka tuig na nga gyera sa Gaza. Sumala ni US Secretary of State Marco Rubio, nag-aghat ang maong lakang sa pagkahibalo kung seryoso ba ang Hamas sa maong teknikal nga pakigpulong.
Gibutyag usab ni Trump nga paspas nga gauswag ang negosasyon ug gikatakdang makompleto ang unang hugna karong semanaha. Ang una nga hugna naghisgot sa pagpagawas sa mga hostage baylo sa pagpagawas sa mga binilanggo nga Palestinian.
Una nang nibisita sa Egypt ang usa ka delegasyon sa Hamas, sa ulahing bahin niadtong Domingo aron makig-uban sa mga representante sa US ug Qatar alang sa mga pakigpulong sa pagpatuman sa labing abante nga paningkamot aron mahunong ang panagbangi.
Photo Courtesy to:CNN
