Gipailalom pag-usab sa yellow alert ang Visayas grid niadtong Lunes, September 28, tungod sa nipis nga energy reserves. Sumala sa National Grid Corporation of the Philippines (NGCP), gikatakdang ipatuman ang yellow alert gikan alas-5 hangtod alas-7 sa gabii.
Anaa sa 2,572 megawatts ang available capacity sa grid, samtang mokabat sa 2,374 megawatts ang peak demand. Sumala sa NGCP, wala magamit ang pipila ka dagkong coal plants human kini ma-shut down.
Aduna usab 14 ka power plants nga naa sa forced outage ug 15 pa ang nag-operate sa derated capacity, nga mitumaw sa 928.3 megawatts nga power capacity nga dili magamit sa grid.
Gipatin-aw sa NGCP nga ideklarar ang yellow alert kung dili igo ang operating margin sa grid aron matubag ang contingency requirement. Isip tubag niini, gimandoan sa Department of Energy ang NGCP nga mag-instalar og kapin 250 megawatts nga battery energy storage systems.
Gisusi usab sa DOE ang paggamit sa mga liquid fuel facility aron makatabang sa suplay sa kuryente sa Visayas.
