Gitunol sa 390 ka mga benepisyaryo sa Department of Labor and Employment (DOLE) Emergency Employment Program, atol sa distribution ug payout nga gihimo sa IBJT Grounds sa Poblacion, Ramon Magsaysay, Zamboanga del Sur.
Matag usa sa mga benepisyaryo nakadawat og 9,280 pesos isip ayuda alang sa ilang panginabuhian ug adlaw-adlaw nga panginahanglan, ang maong ayuda mahimong ma-claim pinaagi sa M Lhuillier, nga maoy partner payout agency sa maong programa.
Gipangunahan ang maong kalihokan sa PESO Ramon Magsaysay, ubos sa pagpangulo ni PESO Manager Vilma Andam Cabahug, in partnership sa Department of Labor and Employment DOLE-Zamboanga del Sur Field Office, nga gipangulohan ni Provincial Director Aileen Mondejar, uban sa tibuok Field Office team.
Gipadayag usab ang pagpasalamat sa DOLE Regional Office IX, ubos sa pagpangulo ni Regional Director Albert E. Gutib, tungod sa padayon nga suporta sa pagpatuman sa mga programa nga nagtumong sa paghatag og trabaho, ayuda ug oportunidad ngadto sa katawhan.
Gipasalamatan usab ang Lokal nga Pangagamhanan sa Ramon Magsaysay, ubos sa pagpangulo ni Mayor Margie Arcite-Machon, sa ilang suporta ug kooperasyon sa paghatud sa mga serbisyo sa gobyerno ngadto sa mga residente.
Padayon ang paningkamot sa PESO, DOLE ug LGU Ramon Magsaysay sa pagdala sa mga programa ug oportunidad alang sa kaayohan ug panginabuhian sa katawhan.
Photo courtesy: LGU RAMON MAGSAYSAY ZDS
