Gibuksan na ang Paskuhan Food Street 2026 alang sa mga food business owners nga gustong mahimong kabahin sa maong kalihukan karong holiday season.
Giawhag sa City Tourism ang mga interesadong food businesses nga mosumite sa ilang proposal uban ang mga gikinahanglang dokumento, lakip ang letter of intent, mayor’s o business permit, DTI registration, litrato sa physical store, ug kopya sa menu o mga litrato sa produkto.
Gipahinumdoman ang mga aplikante nga ibutang ang tanang dokumento sa puti nga long folder ug ilakip ang ilang contact details sama sa mobile number ug email address.
Ang tanang proposal ipailalom sa screening ug evaluation. Ang deadline sa pagsumite sa proposal mao ang October 12, 2026, alas 4:00 sa hapon.
Ang mga dokumento mahimong isumite sa City Tourism, Culture and Arts Office sa Pagadian City.
Photo courtesy: Councilor Lance Samuel Co
