Magpatawag og konsultasyon ug tigom ang Municipal Agriculture Office sa Aurora alang sa mga hog raiser, meat vendor, kumprador ug biyahero karong Oktubre 1, 2026, alas-1 sa hapon, sa ikatulong andana sa Municipal Building.
Tumong sa maong tigom ang paghisgot sa mga kasamtangang hagit sa industriya sa baboy, ilabina ang ubos nga presyo sa buhing baboy nga nakaapekto sa mga mag-uuma ug hog raiser.
Hisgutan usab ang mga programa ug lakang alang sa pagpanalipod sa kahimsog sa mga kahayupan ug pagpalig-on sa industriya sa baboy sa lungsod.
Gidapit sa Municipal Agriculture Office ang tanang stakeholders nga motambong aron mapadayag ang ilang mga kabalaka, suhestiyon ug panginahanglan alang sa mas lig-on nga koordinasyon ug kooperasyon sa sektor.
Gilauman nga pinaagi sa maong konsultasyon, matubag ang mga isyu nga giatubang sa mga hog raiser ug uban pang stakeholders ug mapalambo pa ang industriya sa baboy sa lungsod sa Aurora.
Photo courtesy: Municipal Agriculture Office of Aurora, ZDS – Official
