Gihingusgan sa City Veterinary Office Pagadian ang paghatag og purga ug bitamina alang sa mga binuhing hayupan sa mga livestock farmers sa syudad.
Matud ni Pagadian City Veterinarian Dr. Rino Soria, kini ang pinakaunang nahatag nila sa mga livestock raisers pinaagi sa LSAM program aron matabangan ang mga mag-uuma sa pagmintinar sa maayong kahimsog sa ilang mga hayupan.
Dugang pa, kabahin kini sa padayong serbisyo sa City Veterinary Office ngadto sa mga livestock farmers pinaagi sa paghatag og veterinary inputs ug basic animal health services.
Gidasig usab ang mga livestock farmers nga kanunay nga magmonitor sa kahimtang sa ilang mga hayupan ug mokonsulta sa City Veterinary Office kon adunay makita nga mga timailhan sa sakit.
Pinaagi niini, gilauman nga mapadayon ang maayong kahimsog sa mga hayupan ug matabangan ang mga livestock farmers sa pagpalambo sa ilang panginabuhian.
