Gilibkas na sa Commission on Elections (COMELEC) Pagadian ang mga kalihukan nga may kalabotan sa 2026 Barangay ug Sangguniang Kabataan Elections kun BSKE 2026, subay sa bag-ong resolusyon sa komisyon.
Matud ni City Comelec Officer IV, Atty. Jed Labador, tanan activities nga gipreparar sa ahensiya undangon na human ma-postpone ang BSKE nga gitakda unta sa November 2, 2026.
Tungod niini, dili na ipadayon ang mga kalihukan nga gilatid sa kanhing calendar of activities, lakip ang filing sa Certificate of Candidacy (COC). Lakip nga malibakas ang prohibition sa release, disbursement o expenditure sa public funds, nga nagsugod unta sa September 18, 2026, ingon man ang mga restrictions bahin sa pagkupot og armas o gun ban atol sa election period.
Gidasig sa COMELEC Pagadian ang mga aspiring candidate nga dili na usa mopadayon sa pag-file o pagproseso sa mga dokumento ug maghulat sa sunod nga opisyal nga iskedyul ug mga kalihukan alang sa BSKE tuig 2028.
