Nag-deploy ang Philippine National Police og mga personnel ug police vehicles sa nagkalain-laing lugar aron motabang sa mga commuter ug mapadayon ang peace and order samtang nagpadayon ang transport strike niadtong Septiyembre 29.
Gipahigayon sa transport group PISTON ang duha ka adlaw nga nationwide strike niadtong Septiyembre 29 ug 30 tungod sa pagsaka sa presyo sa krudo. Una nang nagsugod ang MANIBELA sa ilang tulo ka adlaw nga transport strike niadtong Septiyembre 28.
Tungod niini, adunay mga commuter nga naapektuhan sa kakulang sa mga pampublikong sakyanan sa pipila ka lugar. Ang ubang lokalidad mipahibalo usab sa pagsuspenso sa face-to-face classes tungod sa epekto sa transport strike.
Samtang nagpadayon ang protesta, gipahinumdoman sa LTFRB ang mga operators ug drivers sa ilang obligasyon nga maghatag gihapon og serbisyo sumala sa ilang prangkisa.
Photo courtesy: Philippine National Police
