Nasikop sa kapulisan ang usa ka hamtong nga babaye nga wanted person sa kasong Estafa ubos sa Article 315 Paragraph 2(A) sa Revised Penal Code, atol sa intel-driven law enforcement sa Purok Talisay, Barangay Poblacion, Titay, Zamboanga Sibugay niaging adlaw.
Ang operasyon gipangulohan sa tracker team sa Titay Municipal Police Station, kauban ang Zamboanga Sibugay 2nd Provincial Mobile Force Company. Nadakpan ang suspek pinaagi sa warrant of arrest nga gipagawas sa Municipal Circuit Trial Court, Ninth Judicial Region, Naga-Titay, Zamboanga Sibugay niadtong Septiyembre 24, 2026.
Adunay girekomendar nga piyansa nga 30 mil pesos alang sa maong kaso. Human sa pagdakop, gipahibalo sa kapulisan ang suspek sa iyang constitutional rights, lakip ang hinungdan ug kinaiya sa iyang pagkadakop.
Ang nadakpan nga babaye anaa na karon sa kustodiya sa Titay MPS alang sa tukmang disposisyon ug pag-atubang sa kasong giatubang niini.
