Patay ang duha ka turistang Pilipino ug walo pa ang grabeng nasamdan human natumba ang bus nga ilang gisakyan padulong sa Oktoberfest sa Munich, Germany niadtong Domingo.
Gibanabana nga mokabat sa 50 ka Pilipino ang sakay sa bus gikan sa Milan, Italy, sa dihang nahitabo ang aksidente duol sa Buchloe.
Human sa insidente, daling gipadala ang dul-an sa 250 ka emergency personnel aron motabang sa pagluwas ug pag-atiman sa mga biktima.
Gikumpirma pa sa Philippine Consulate General sa Frankfurt ang identidad sa duha ka namatay ug padayon ang pagmonitor sa kahimtang sa mga nasamdan ug ang imbestigasyon sa hinungdan sa aksidente.
