Nadakpan ang unom ka most wanted persons sa managlahing operasyon sa Northern Mindanao sulod sa 24 oras, gikan alas 6 sa buntag niadtong Septiyembre 25 hangtod alas 6 sa buntag sa Septiyembre 26, 2026.
Gipahigayon ang mga warrant operations sa mga police unit sa Bukidnon, Misamis Oriental ug Cagayan de Oro City, isip kabahin sa kampanya sa Police Regional Office 10 batok sa mga wanted persons nga adunay standing warrants.
Lakip sa nadakpan si alyas “Ronron,” nga Top 10 Regional-Level Most Wanted Person, kinsa nasigpaw sa Talakag MPS sa Bukidnon tungod sa kaso nga murder.
Nadakpan usab si alyas “Rey,” Top 3 Provincial-Level MWP, sa Claveria tungod sa statutory rape; si alyas “Ven,” Top 3 Provincial-Level MWP, sa Impasugong tungod sa qualified rape; ug si alyas “Ram-ram,” Top 6 Provincial-Level MWP, sa Manolo Fortich tungod sa acts of lasciviousness nga may kalabotan sa Republic Act 7610.
Samtang, nadakpan sa Provincial Intelligence Unit sa Misamis Oriental si alyas “Jose,” Top 8 Provincial-Level MWP, tungod sa mga kaso nga qualified rape of a minor ug qualified sexual assault of a minor. Sa Cagayan de Oro City, nadakpan usab sa Police Station 7 ang alyas “JR,” Top 3 City-Level MWP, tungod sa qualified rape of a minor.
Matud ni PRO-10 Regional Director PBGen Nestor C. Babagay Jr., magpadayon ang ilang intelligence-driven ug lawful operations aron masiguro nga ang mga wanted person madala sa korte ug mapanubag sa ilang mga kaso.
Photo Credit to: PRO-10
