Nanawagan ang transport group nga MANIBELA nga ipaubos ngadto sa makatarunganong lebel ang presyo sa petrolyo, nga ilang giingong dakong palas-anon sa mga tsuper ug operator.
Matud sa grupo, apil sa ilang pangunang panawagan ang paghatag og dugang nga kahupayan sa mga drayber, mao nga ilang ipadayon ang planong kilos-protesta karong Septiyembre 28. Gilauman usab ang pag-apil sa ubang grupo sa mga tsuper, rider, TNVS ug mga koalisyon sa sektor sa transportasyon.
Lakip sa ilang mga gipangayo ang mga lakang batok sa taas nga presyo sa petrolyo, samtang ilang giingong kinahanglan usab nga masulbad ang mga isyu nga ilang gilangkuban sa korapsyon ug palas-anon sa sektor sa transportasyon.
Samtang, giaprubahan sa Department of Transportation ang pagpatuman sa fare increase sugod Septiyembre 28, human sa rekomendasyon sa LTFRB. Sa naaprubahang adjustment, mahimong P14 ang minimum fare sa traditional jeepney gikan sa P13, samtang P17 naman sa modern jeepney gikan sa P15.
Photo courtesy: Philippine News Agency
