Nakasulod si Olympic silver medalist Carlo Paalam sa quarterfinals sa 20th Asian Games boxing human mapildi si Jadumani Singh Mandengbam sa India pinaagi sa split decision.
Tulo sa lima ka hurado ang mipabor kang Paalam sa hugot nga men’s 55-kilogram Round of 16. Bisan agresibo ang Indian boxer, gigamit ni Paalam ang iyang kasinatian ug kalma nga pagduwa aron makapuntos og limpyo nga mga kumo.
Atubangon niya sunod si Zhang Jiamao sa China. Kon modaog, sigurado na siyang makakuha og bronze medal.
Photo courtesy: Tatler Asia
