Emosyonal si Asia’s Songbird Regine Velasquez-Alcasid human niya unang nakita ang poster sa iyang umaabot nga “FINALE” concert, nga ipahigayon sa Oktubre 17 hangtod 19 sa Mall of Asia Arena.
Matud ni Regine, mihilak siya human makita nga klarong nakasulat sa poster ang pulong nga “FINALE.” Para kaniya, mura kini og pagtapos sa usa ka dakong bahin sa iyang kinabuhi isip concert performer sulod sa 40 ka tuig.
Gibutyag usab sa singer nga nakaapekto sa iyang tingog ang mga kausaban nga dala sa pagkatigulang, lakip ang iyang giingong “menopause voice,” nga nakapalisod kaniya sa pagkanta sama kaniadto.
Bisan pa niini, andam si Regine nga hatagan og espesyal nga pasundayag ang iyang mga fans. Lain-laing mga kanta ang iyang andamon matag gabii, ug bag-ong album usab ang iyang ipagawas.
Photo courtesy: Tiktok
