Nagkahinabi ug nagkasabot ang mga taxi operators ug ang mga representante sa GSM Green Taxi sa ilang mga concerns may kalabotan sa serbisyo sa transportasyon sa Cagayan de Oro.
Gikompirma ni Mayor Klarex Uy nga nagkita ang duha ka panig sa iyang opisina aron hisgutan ang ilang mga mulo ug uban pang isyu sa operasyon sa taxi sa siyudad. Human sa panag-istoryahanay, nagpabiling maayo ang relasyon sa duha ka panig ug nasabtan ang ilang tagsa-tagsa ka concerns.
Nagpasalamat usab si Mayor Klarex sa mga Vietnamese nga mipahayag sa ilang kaandam sa pagtabang sa mga taxi operators ug drivers. Ang miting gitumong sa pagpangita og pagsinabtanay ug posibleng mga lakang aron mas mapalambo ang serbisyo sa transportasyon sa siyudad ug dili mapihig ang mga taxi drivers ug operators.
Photo courtesy: Cagayan de Oro City Information Office
