Gipahibalo sa National Grid Corp. of the Philippines (NGCP) nga gibutang sa red alert ang Visayas grid kagahapong adalawa, Septyembre 22 tungod sa taas nga panginahanglan sa kuryente ug hugot nga suplay human adunay mga coal plant nga na-outage. Ang red alert epektibo gikan alas-5 sa hapon hangtod alas-6 sa gabii.
Aduna usab yellow alert gikan alas-3 hangtod alas-5 sa hapon ug alas-6 hangtod alas-9 sa gabii. Alas-1:40 sa hapon, ang available capacity kay 2,487 megawatts (MW), samtang ang peak demand miabot sa 2,550 MW.
Ang red alert nagpasabot nga dili igo ang suplay sa kuryente aron matubag ang panginahanglan, nga mahimong mosangpot sa rotational brownouts kung dili makontrol ang konsumo. Ang yellow alert, sa laing bahin, nagpasabot nga nagkagamay ang power reserves ug mahimong maapektuhan ang suplay kung adunay dugang nga plant outage.
Matod ni Department of Energy (DOE) Secretary Sharon Garin, “really frustrating” ang kahimtang tungod sa kakulang sa suplay. Miingon siya nga gipaspasan sa gobyerno ang pag-abot sa mga power barge sulod niining tuiga o sayo sa sunod tuig aron makatabang sa pagsulbad sa problema sa suplay sa kuryente.
Photo Courtesy: NGCP
