Giaresto sa mga personahe sa Carmen Municipal Police Station ug Regional Special Operations Group 11 o RSOG 11 ang usa ka wanted person tungod sa mga kasong Qualified Rape of a Minor, Qualified Sexual Assault ug Acts of Lasciviousness alas 9:45 sa gabii niadtong Setyembre 19, 2026 sa Carmen, Davao del Norte.
Giila ang dinakpan nga si alyas “Fredo,” usa ka residente sa General Santos City, nga nadakpan pinaagi sa warrant of arrest nga gi-isyu sa korte niadtong Agosto 4, 2026, ang maong kaso walay girekomenda nga piyansa.
Samtang gipangunahan ang operasyon sa Carmen Municipal Police Station ubos sa pagpangulo ni PMAJ Lope I. Cebreros III, ACOP, kauban ang mga nasangpit nga operatiba.
Human sa pagdakop, gipahibalo ang suspek sa iyang mga katungod ubos sa Konstitusyon ug gidala sa Carmen MPS alang sa dokumentasyon ug hustong disposisyon, sa dili pa iturn-over ngadto sa korte.
Photo Courtesy: Calgary Criminal Defense
