Gipahugtan sa lokal nga kagamhanan sa dakbayan sa Mandaue ang pag-monitor sa paglabay sa mga basura sa Center Island sa North Reclamation Area, ilabina sa dapit duol sa kanhi CICC. Kini human makadawat og mga taho bahin sa mga sinakong basura nga gilabay sa maong lugar dili lamang sa adlaw, kundili apil usab sa kagabhion.
Matud ni CMO SMART Leader Gerrard Glenn Soon Gobalani, giprioridad sa mayor ang pag-monitor aron mailhan ug masakpan ang mga responsable sa ilegal nga paglabay sa basura.
Gitutokan karon sa Task Force City Mayor’s Office Safety Maintenance Area Response Team ang maong lugar isip kabahin sa kampanya batok sa improper waste disposal.
Photo courtesy: File Photo
