Nakapukaw sa atensyon sa social media ang ultrasound image sa usa ka wala pa matawo nga bata sa Kentucky, United States, human makita niini ang porma nga daw kamot nga nagtabon sa ulo sa bata.
Gipaambit sa inahan nga si Amanda Foster ang maong imahe sa iyang pagmabdos kang Kyler, diin iyang giisip nga simbolo sa pagpanalipod tungod sa iyang kasinatian sa pagkawala sa iyang unang anak nga naapektuhan sa Potter’s syndrome.
Gisaysay ni Foster nga nibalik siya sa iyang pagtuo niadtong 2021 human sa mga tuig nga kasubo, samtang nag-ampo siya sa matag medical appointment tungod sa mga kabalaka sa doktor bahin sa posibleng abnormalidad sa kasingkasing sa iyang gisabak.
Nabantayan sa iyang anak nga si Bailey ang porma nga daw kamot atol sa ultrasound sa 32 ka semana nga pagmabdos, hinungdan nga mikaylap online ang imahe ug nailhan isip “Hand of God.”
Gipasabot sa pamilya ang maong hulagway isip timailhan sa pagpanalipod sa Diyos, apan Matud sa mga medical commentators nga posible usab kini nga ultrasound artifact o visual illusion ug dili literal nga kamot, nga nagpakita nga ang maong imahe mahimong adunay dakong personal ug espirituwal nga kalabutan apan dili kini kumpirmasyon sa usa ka supernatural nga panghitabo.
Photo Courtesy: RANDOM FACTS
