Ginapasundayag sang Sultan Kudarat ang nagkalain-lain nga lokal nga produkto sa BLENDS 2026 – Treasures of Region 12, nga ginapatigayon sa Ayala Malls Abreeza, Davao City, halin September 15 tubtob 17, 2026.
Sa Sultan Kudarat booth, ginapakita ang lokal nga mga produkto lakip ang kape, cacao, mga pagkaon, kag iban pa nga produkto sang micro, small, and medium enterprises ukon MSMEs.
Kabahin ini sang Sultan Kudarat SIKAT KA Trade Expo, nga nagahatag oportunidad sa mga lokal nga negosyante nga mapakilala ang ila mga produkto sa mas madamo nga konsumidor.
Ginaagda ang publiko, ilabi na ang mga yara sa Davao City, nga magkadto sa booth sang Sultan Kudarat, magtilaw sang lokal nga kape kag magdiskubre sang nagkalain-lain nga produkto nga ginahimo sang mga negosyante sang probinsya.
Pinaagi sa nasambit nga aktibidad, ginapakita ang potensyal sang lokal nga produkto sang Sultan Kudarat kag ginahatagan sang dugang nga suporta ang mga lokal nga MSMEs.
Photo Courtesy: DTI Sultan Kudarat
