Nakapasar si Police Corporal Enrique R. Tejada III sa September 2026 Licensure Examination for Electrical Engineers. Gintamyaw ni SKPPO Acting Provincial Director PCOL Marvin A. Fontanilla si Tejada tungod sa iya pagpasar sa nasambit nga licensure examination.
Ang SKPPO Family naghatag sang ila mainit nga pagdayaw sa iya nga accomplishment kag ginakabig ini nga isa ka well-deserved nga kadalag-an.
Ang iya achievement nagapakita sang iya pagpanikasog sa pagbalanse sang iya responsibilidad bilang miyembro sang kapulisan kag pagtinguha nga mapa-uswag pa ang iya propesyonal nga kwalipikasyon.
Nagapadayon naman ang SKPPO sa paghatag sang suporta kag pagdayaw sa mga personnel nga nagapangita sang kahigayunan para sa personal kag propesyonal nga pag-uswag.
Photo Courtesy: PNP Sultan Kudarat Police Provincial Office
