Nanawagan ang Malacañang sa mga grupo nga planong magpahigayon og mga protesta karong September 21 nga siguruhon ang kalinaw ug kahapsay sa ilang mga kalihokan.
Matod sa Palace press officer nga si Claire Castro, respetuhon sa gobyerno ang katungod sa mga Pilipino sa malinawon nga pagpahayag sa ilang mga panglantaw. Gipahinumdoman usab ang mga partisipante nga likayan ang mga buhat nga mahimong mosangpot sa kagubot o makapeligro sa publiko.
Samtang, gilauman nga magpatuman ang mga awtoridad og angay nga security measures aron mapreserbar ang kalinaw ug kaluwasan sa publiko atol sa mga planong rally.
Photo Courtesy: PCO
