Gitangtang na ang American rapper nga si Macklemore sa nahibiling U.S. dates sa Loop Tour ni Ed Sheeran human sa iyang mga pahayag sa suporta sa Palestine. Gikumpirma mismo ni Macklemore ang iyang pagtangtang sa usa ka taas nga Instagram post niadtong Lunes, Setyembre 14, 2026.
Nahimong kontrobersyal ang iyang pag-apil sa tour human siya misulti og “Free Palestine” atol sa iyang performance sa MetLife Stadium sa New Jersey niadtong Setyembre 4 ug 5.
Sumala kang Macklemore, nakahukom si Ed Sheeran ug iyang team nga tangtangon siya sa nahibiling bahin sa tour. Gipasiugda usab sa rapper nga dili siya, si Sheeran, o ang singer nga si Pink angay isipon nga biktima.
Matod niya, ang tinuod nga mga biktima mao ang mga Palestinian nga naapektuhan sa gubat—lakip ang mga lalaki, babaye, ug mga bata nga namatay, gigutom, nawad-an og puy-anan, ug nakaagi og grabeng kapintasan.
Photo courtesy: Macklemore
