Gikalipay sa pamunuan sa Nuevo Iloco National High School, sa Mawab Davao de Oro ang gipahigayon nga Handog ng Pangulo Caravan niadtong Septyembre 14, 2026.
Personal nga nipadayag og pagpasalamat si School Principal Rogelio Guno sa maong programa, ilabi na sa libreng medical check-up nga nahatag ngadto sa mga estudyante.
Sumala ni Guno nga dako nga tabang ang maong serbisyo sa mga estudyante ug sa eskwelahan tungod kay napaduol kanila ang basic health services isip kabahin sa mga programa nga nagtinguha sa kaayohan sa kabatan-onan.
Pipila usab ka mga atleta sa maong eskwelahan ang nakabenepisyo sa Philippine Statistics Authority kon PSA tungod kay natabangan sila sa pagproseso sa mga dokumento nga gikinahanglan alang sa ilang pag-apil sa mga kompetisyon.
Sumala sa Principal, adunay mga atleta nga wala ma-qualified kaniadto tungod sa kakulang sa gikinahanglang PSA documents, busa dako nga tabang ang serbisyo nga gihatag atol sa maong caravan.
