Giila ang usa ka African Giant Pouched Rat nga usa ka bayani, nga ginganlan ug si Magawa,tungod sa iyang serbisyo sa Cambodia, diin lima ka tuig siyang nagtabang sa pagpangita og mga landmine aron malikayan ang peligro sa publiko.
Matod nga tungod kay gaan ra ang lawas ni Magawa, dili niini ma-trigger ang mga landmine samtang iyang pangitaon ang mga baho nga konektado sa mga pagpamomba. Sa iyang lima ka tuig nga serbisyo, nakatabang siya sa pagdiskubre sa 71 ka landmine nga gipangbutang aron makahatag og kadaot mga mga katawhan.
Gikataho usab nga nakasulod siya og kapin 141,000 square meters nga lugar sapanahon siya mangita og mga bomba aron matabangan ang mga eksperto sa pag-ila sa mga dapit nga posibleng adunay mga landmine.
Tungod sa iyang dakong natampo sa paglimpyo sa mga lugar gikan sa landmine, giila si Magawa isip usa ka “bayani” ug nakadawat pa gani kini og award tungod sa iyang serbisyo nga natabang.
Photo Courtesy: Instagram
