Gibalik ni Pope Leo XIV sa pre-Covid level ang sweldo sa mga cardinal ug senior Vatican officials, human iyang gibawi ang salary cuts nga gipahamtang ni kanhi Pope Francis panahon sa pandemya. Epektibo sukad Septiyembre 1, 2026 ang pagtangtang sa maong salary cuts, sumala sa papal decree nga gipagawas niadtong Lunes.
Niadtong 2021, gipakunhod ni Pope Francis og 10 porsyento ang sweldo sa mga cardinal ug walo ka porsyento sa senior Vatican officials aron matubag ang pinansyal nga kalisod sa Holy See atol sa COVID-19 pandemic ug sa padayong budget deficits.
Matud ni Pope Leo XIV, gikinahanglan kaniadto ang salary cuts aron maatubang ang epekto sa pandemya, apan mahimo na kining ibalik sa orihinal nga lebel samtang magpadayon ang Vatican sa mga lakang alang sa financial sustainability.
Dili apil sa desisyon ang retroactive nga pagbayad. Samtang, sumala sa annual report nga gipagawas niadtong Mayo, ang Vatican bank nakarekord og 51 million euros nga net profit, nga nagpakita sa pag-uswag sa pinansyal nga kahimtang niini.
Photo Courtesy: People.com
