Gipahigayon sa Bukidnon State University (BukSU) Main Campus niadtong Setyembre 14, 2026 ang “Handog ng Pangulo: Serbisyong Sapat para sa Lahat Caravan” aron ipadool ang nagkadaiyang serbisyo ug tabang sa kagamhanan para sa mga komunidad ning lalawigan.
Kabahin kini sa usa ka dungan nga selebrasyon sa tibuok nasod nga naghiusa sa nagkalainlaing ahensya sa gobyerno, mga institusyon sa labaw nga edukasyon, ug uban pang sektor aron makahatag og direktang suporta sa panginabuhian, oportunidad sa pagtuon, ug paglunsad sa Free Public Internet Access Program o Free Wi-Fi for All sa lalawigan alang sa mas paspas nga digital connectivity.
Atol sa maong kalihokan, gihimo usab ang pagpondo ug pag-apud-apod sa nagkalainlaing tabang sama sa loan releases, solar pumps, allowances, tseke, indemnity payments, farm inputs, makinarya sa pagpamatigayon ug pag-uma, kauban ang suporta gikan sa AKSYON Fund.
Gipakita sa maong caravan ang nagkahiusang paningkamot sa mga ahensya, lakip na ang suporta sa Commission on Higher Education (CHED) pinaagi sa ilang AGHIEVE Agenda, aron masiguro nga ang importanteng serbisyo sa edukasyon, kalusugan, ug agrikultura makadangat sa mga tawo nga dili na kinahanglang mobiyahe og layo gikan sa ilang lokalidad
Photo Courtesy:BUKSU
