Arestado ang isa ka wanted person sang joint personnel sang Esperanza Municipal Police Station kag 2nd Sultan Kudarat Provincial Mobile Force Company sa Esperanza, Sultan Kudarat.
Ginpatigayon ang pag-aresto pasado alas sais sang gab-i sang Setyembre 12, 2026, sa Barangay Poblacion, Esperanza, pinaagi sa pagserbisyo sang warrant of arrest.
Ang nadakpan ginkilala sa alyas nga “Kiko,” 27 anyos, nga may warrant may kaangtanan sa paglapas sa Sections 5 kag 11, Article II sang Republic Act 9165 ukon Comprehensive Dangerous Drugs Act.
Ang warrant gin-isyu sang Regional Trial Court sang Sultan Kudarat sang Hulyo 23, 2026, apang wala sang may ginrekomendar nga piyansa para sa nasambit nga kaso.
Ginpahibalo ang suspek sang iya mga katungod antes gindala sa Esperanza MPS para sa dokumentasyon kag nagakaigo nga disposisyon.
