Naguba ang sakyanan nga ELF nga gidrayban sa 51-anyos nga lalaki human gidaro sa Six Wheeler Truck, alas 1:26 sa hapon, niadtong nakalabay nga adlaw. Sumala sa inisyal nga imbestigasyon sa kapulisan, nagmaneho ang biktima sa iyang ELF vehicle uban sa iyang live-in partner ug ilang lima ka-bulan nga anak nga anaa sa passenger seat.
Samtang mosulod sila sa pantalan aron mosakay og pampasaherong barko, kalit nga gidasmagan sa usa ka six-wheeler truck nga gimaneho sa suspek hinungdan nga nadaot ang left side mirror ug na-damyos ang sakyanan.
Dali nga mikanaog ang live-in sa biktima bitbit ang anak. Dihang nanaog ang suspek sa iyang sakyanan iyang gihagit ang drayber sa Elf ug bitbit ang ice-pick dayon nanghulga.
Niabot ang Maritime PNP ug giaresto ang suspek. Samtang pasakaan ang suspek sa kasong Malicious Mischief, Slight Physical Injury ug Grave Threats, samtang giingong “Personal na away” ang motibo sa maong panghitabo.
