Gitun-an sa gobyerno ang posibleng pagsaka sa insentibo alang sa imported electric vehicles (EVs), ilabina ang zero-tariff policy nga gitakdang matapos sa 2028. Giduso sa Electric Vehicle Association of the Philippines ang pagsaka niini hangtod 2040 aron mapadayon ang paggamit sa EVs.
Matod ni Trade Undersecretary Ceferino Rodolfo, kinahanglan tan-awon kung ang pagpatuman sa zero tariff makatabang usab sa tumong sa gobyerno nga madani ang mga automaker sa paghimo og EVs dinhi sa Pilipinas.
Kabahin niini ang P60-bilyon nga Electric Vehicle Incentive Strategy (Evis), ang labing dako nga automotive incentive program sa gobyerno nga gitumong sa pagpalambo sa lokal nga produksiyon sa electric vehicles.
Misugot usab si Socioeconomic Planning Secretary Arsenio Balisacan sa maampingong pagrepaso sa zero tariff, lakip ang epekto niini sa ubang industriya ug matang sa transportasyon. Matod niya, mahimong ikonsiderar usab ang mas ubos nga taripa imbes nga ipadayon ang zero duty.
Samtang, padayon na ang pagpangandam alang sa Evs. Gilauman nga ipagawas ang implementing rules niini sulod sa Septiyembre ug ablihan ang aplikasyon sa Oktubre.
Photo courtesy: Car Expert
