Patay ang 55-anyos nga farmer human nahulog sa gibanabanang 30-feet nga bangag sa Purok 2, Barangay Barayong, Magsaysay, Davao del Sur. Matud ni PMAJ Darryl Francis Ramos, Acting Chief of Police sa Magsaysay Municipal Police Station, ang biktima giila nga si Reynaldo Ababa Del Rosario, residente sa maong lugar.
Nadala pa sa ospital ang biktima apan dead on arrival na. Sumala sa kapulisan, nakainom og ilimnong makahubog ang biktima ug bisan kapila na siyang gibadlong sa iyang pamilya, masuko kini ug nagpadayon gihapon hangtod nga nahulog sa bangag.
Mikanaog usab ang igsoon sa biktima aron motabang apan dili na makasaka ug nanginahanglan og rescue assistance. Pahimangno sa publiko nga likayan ang pagduol sa lawom nga bangga ilabina kon nakainom, ug sundon ang tambag sa pamilya aron malikayan ang susamang aksidente.
Photo Courtesy: Wikipedia
