Naningkamot ang gobyerno aron matubag ang problema sa unemployment sa nasud, human misaka sa 6 porsyento ang unemployment rate niadtong Hulyo 2026. Base sa datos sa Philippine Statistics Authority o PSA, mokabat sa 3.14 milyon ka mga Pilipino ang walay trabaho niadtong maong panahon, ang pinakataas nga unemployment rate sukad 2022.
Matud sa Malacañang, lakip sa mga lakang sa gobyerno ang pagpaayo sa proseso sa pagnegosyo aron mas daghang investors ang makasulod ug makamugna og trabaho.
Padayon usab ang nationwide monthly Trabaho Agad job fairs sa DOLE ug ang pagpalig-on sa Public Employment Service Offices o PESO sa mga lokal nga pangagamhanan aron mas mapaduol ang mga oportunidad sa trabaho sa mga aplikante.
Gipunting usab sa Palasyo ang mga programa sa TESDA alang sa skills training ug upskilling, lakip ang mga lakang aron masuportahan ang micro, small ug medium enterprises o MSMEs nga makatabang sa pagmugna og dugang trabaho.
Samtang, sumala sa PSA, ang pagsaka sa unemployment rate kadaghanan tungod sa pagdaghan sa mga Pilipinong misulod sa workforce.
Photo Courtesy:Wikipedia
