Nadayagnos ang 48-anyos nga negosyante nga si Bryan Johnson og autoimmune gastritis. Kinsa nailhan sa iyang mahalong anti-aging program.
Ang maong kondisyon mahitabo kung ang immune system sa lawas moatake sa lining sa tiyan. Nadiskobrehan kini human giimbestigahan ang iyang padayong ubos nga iron level pinaagi sa blood tests, endoscopy ug biopsy.
Gilangkit usab ang kondisyon sa autoimmune thyroid disease nga dugay na niyang nasinati. Wala pay hingpit nga tambal alang niini, apan mahimo kining makontrol pinaagi sa pagtambal ug regular nga monitoring.
Miingon si Johnson nga iyang tukion ang mga experimental treatment sa paglaom nga mapaayo o ma-reverse ang iyang kondisyon.
Photo Courtesy: The Guardian
