Nasikop ang 44 ka indibidwal human sa gikasang usa ka semana nga Simultaneous Anti-Criminality and Law Enforcement Operations o SACLEO nga gipahigayon sa nagkadaiyang lugar sa Surigao del Norte.
Sumala ni Provincial Director PCOL Warren E. Dablo, napasakaan og kaso atol sa operasyon sa kapulisan sa nagkadaiyang lugar. Napulo ka wanted persons ang nadakpan lakip niini ang tulo ka Provincial Most Wanted Persons ug pito pa ka wanted individuals.
Sa kampanya batok illegal nga droga, gibana-banang kantidad og P139,825.68, ang nasakmit sa 11 ka buy-bust operations sa duha ka high-value drug targets ug siyam ka street-level drug personalities.
Nasikop usab ang 17 ka suspek tungod sa illegal gambling ug nakompiska nga gambling paraphernalia mokabat sa Php4,395.00 sa mga separate operations. Duha ang nadakpan sa illegal fishing ug 15 kilos nga nagkalain-laing isda ang nasakmit nga mikantidad Php4,500.00.
Apil na operasyon batok illegal firearms, illegal logging diin nakompiska 270 board feet sa illegal cut lumber, nga mikantidad og Php6,600.00, human duha ka indibidwal ang nasikop ug lakip na smuggled cigarettes.
Dugang ni PCOL Dablo, magpadayon ang Surigao del Norte Police Provincial Office-SDNPPO sa hiniusang paningkamot aron masiguro ang kalinaw ug kahapsay sa probinsya.
