Gipadali sa Energy Regulatory Commission o ERC ang proseso sa pagtangtang sa value-added tax o VAT sa system loss charge sa mga bayranan sa kuryente, nga posibleng ipatuman sa Oktubre o Nobyembre 2026.
Matod ni ERC Chairperson Francis Saturnino Juan, giisyu na sa komisyon ang Resolution No. 26 of 2026 nga nag-reclassify sa system loss isip pass-through cost, nga naghatag og basehan sa Bureau of Internal Revenue o BIR sa pagtangtang sa VAT niini.
Gipahibalo sa ERC nga sugoon niini ang mga distribution utility nga usbon ang porma sa ilang electricity bills sa higayon nga ma-epektibo na ang resolusyon ug ang BIR circular.
Gipangita sa gobyerno ang paagi aron mapagaan ang bayranan sa kuryente, human gi-awhag ni Presidente Ferdinand Marcos Jr. ang mga awtoridad nga susihon ang pagtangtang sa system loss charge ug ang kauban niining buhis.
Photo Courtesy: Maro
