Nagpasidaan ang Bangko Sentral ng Pilipinas (BSP) ngadto sa Department of Agriculture (DA) kalabot sa dakong hulga sa suplay ug presyo sa pagkaon sa nasod. Kini tungod sa nagkagrabe nga epekto sa huwaw nga dala sa El Niño, nga gisamotan pa sa nagpadayong kagubot sa global nga merkado sa bugas.
Tungod sa nag-ung-ong nga bahad sa inflation ug sa natalang pagkunhod sa lokal nga produksyon sa palay, hugot nga nagpatuman ang BSP og 25-basis-point nga pagsaka sa ilang key interest rate.
Giklaro usab sa ahensya nga nagpabilin ang posibilidad nga maghimo sila og dugang monetary actions kon dili masumpo ang pagmahal sa mga batakang palaliton.
Isip dinaliang tubag sa maong krisis, gimandoan dayon ni Agriculture Secretary Francisco Tiu Laurel Jr. ang tanang sanga sa DA nga palig-onon ang ilang mga El Niño response plans gamit ang pinakabag-ong datos. Lakip sa mga direktang lakang nga andam ipatuman sa gobyerno mao ang cloud seeding, pagtukod og solar irrigation systems, pag-apod-apod og mga liso nga resistante sa hulaw, paghatag og crop insurance, ug direktang pinansyal nga ayuda alang sa mga apektadong mag-uuma
Photo Courtesy: Philippine Information Agency
