Wala na kaikyas sa balaod ang 80 ka mga suspetsado human gilusad sa Bukidnon Police Provincial Office (BPPO) ang subsub nga 89 ka operasyon sa tibuok lalawigan gikan Agosto 24 hangtod 30, 2026. Kabahin ang maong lapad nga operation sa direktiba ni Provincial Director PCOL Oliver S. Navales aron maaresto ang mga naglapas sa balaod ug malimpyohan ang probinsya sa tanang matang sa kriminalidad.
Pinakadakong kalampusan sa kapolisan ang kampanya batok sa ilegal nga droga diin nasikop ang 19 ka drug personalities ug nakakumpiska sa 123.54 ka gramos sa shabu nga nagkantidad og ₱840,114.84. Gawas niini, 26 ka wanted persons—lakip ang upat ka kumpirmadong Most Wanted—ang nadakpan, samtang 11 ka dili lisensyadong armas ug mga ilegal nga troso nga nagbalor og ₱59,796.00 ang nabawi.
Nakatala usab og kadaugan ang pulisya sa uban pang operasyon diin nahulog sa ilang kamot ang 13 ka nadakpan sa smuggled cigarettes, walo sa ilegal nga panagat, unom sa illegal logging, upat sa ilegal nga pagmina, ug duha sa ilegal nga sugal.
Alayon niini mipadangat og pagdayeg si PCOL Navales sa tanang kapolisan sa BPPO ug nag-apelar sa publiko nga magpadayon sa pagpakig-alayon aron mapabilin ang kalinaw sa probinsya
Photo Courtesy: Bukidnon PPO
