Misaad ang Estados Unidos nga maghatag og kapin sa $3.6 milyones dolyares (kapin sa P200 milyones) nga humanitarian aid ngadto sa nasud sa Nepal, human kini naigo sa grabeng pagbaha ug flash flood sa mga dapit nga duol sa utlanan niini ug sa Tibet. Ang maong ayuda idirekta sa paghatag og emergency food assistance nga gilaumang makatabang sa hangtod 10,000 ka mga panimalay nga nawad-an og kapuy-an ug mga panginahanglanon tungod sa maong kalamidad.
Gikinahanglan kaayo ang pagkaon, temporaryong kapuy-an, ug limpyong tubig sa pagkakaron tungod kay daghang lugar ang naglisod maabot sa mga rescue teams tungod sa pagkadaot sa mga dalan ug imprastraktura. Ang ayuda sa Amerika miabot samtang nagpadayon ang paningkamot sa mga awtoridad ug humanitarian organizations taliwala sa nagapadayong search and rescue operations, diin gatusan na ka tawo ang namatay ug liboan pa ang gikatahong missing.
Sumala sa mga humanitarian organizations, dako pa kaayo ang panginahanglan sa tabang tungod sa kadako sa kadaot, ilabi na sa labaw sa 10,000 ka pamilya sa may Trishuli corridor nga nanginahanglan gayud og emergency shelter ug mga pundong relief supplies. Gilauman nga makatabang og dako ang gipagawas nga pondo sa Amerika aron mapadali ang pag-abot sa mga kinahanglang suporta sa mga biktima
Photo Courtesy: ANI News/Bloomberg
