Nagbahad ang Estados Unidos sa gitawag niini nga “the greatest financial offensive ever marshalled” batok sa Iran samtang nangandam kini sa pagpatuman og bag-ong economic sanctions kontra sa mga nasud nga adunay negosyo ug pakigtambayayong sa Tehran.
Miingon usab ang Iran nga mahimo nilang hingpitong hunongon ang pag-eksport og lana gikan sa Persian Gulf kon magpadayon ang gitawag nilang economic war sa Washington.
Matud ni U.S. Treasury Secretary Scott Bessent, ilunsad sa Estados Unidos ang labing dako nilang financial offensive batok sa usa ka kontra, tungod wala matud pay tumong sa pag-uswag sa mga panag-istoryahanay alang sa kalinaw tali sa duha ka nasud.
Gipasidan-an usab sa Iran nga ang bisan unsang nasud nga mosuporta sa economic sanctions sa Estados Unidos batok kanila, paga-isipon nilang “act of war” o usa ka lihok sa gyera.
Photo Courtesy: EspecialEurasia
