Nakabaton sang isa ka dialysis machine ang People’s Dialysis and Diagnostic Center ukon PDDC sa Tacurong City, pinaagi sa pagbinuligay sang Local Government Unit sang Tacurong kag mga Rotary Club.
Kabahin sa inisyatibo ang Rotary Club of Tacurong, Rotary Club of Los Baños kag Rotary Club of Los Baños Makiling, nga nagdonar sang dialysis machine agud mapabakod ang kapasidad sang PDDC sa paghatag sang dialysis services sa mga pasyente.
Nagtambong sa turnover ceremony si City Mayor Lina O. Montilla, kaupod sanday City Health Officer Dr. Emmelyn B. Nepucpan kag Medical Officer Dr. Kate Ceyser E. Leguro, lakip ang mga representante sang partner Rotary Clubs kag iban pa nga stakeholders.
Ang donasyon kabahin sang padayon nga tikang sang local nga panggbyerno sang Tacurong kag mga partner sini para mapalapad ang access sa healthcare services kag mapabakod ang operasyon sang PDDC.
Photo Courtesy: City Government of Tacurong
