Opisyal nga gindeklarar sang Malacañang ang Agosto 28, 2026, Biyernes, bilang Special Non-Working Day sa banwa sang Isulan, Sultan Kudarat. Ini paagi sa Proclamation Number 1394, nga nagahatag kahigayunan sa mga pumuluyo nga makapakigbahin sa selebrasyon sang Hamungaya Feast Street Festival 2026.
Paagi sa deklarasyon, ginapaabot nga mas madamo nga Isulanon ang makapartisipar sa nagkalain-lain nga aktibidad nga may kaangtanan sa pista kag festival. Ang Hamungaya Feast Street Festival isa sa mga selebrasyon nga nagapakita sang kultura, tradisyon kag pagbinuligay sang komunidad sang Isulan.
Ginpangabay man ang mga pumuluyo kag bisita nga makigselebrar nga may disiplina kag responsibilidad agud mangin malinong kag malipayon ang selebrasyon.
Photo Courtesy: Municipality of Isulan- Bagong Isulan
