Ginluthang patay ang incumbent Barangay Kapitan sang Barangay Bannawag, President Quirino, Sultan Kudarat, matapos ginluthang sang duha ka wala pa makilala nga suspek sa Purok 3, Barangay Bannawag, alas-11:20 sang aga, Agosto 24, 2026.
Ginkilala sang President Quirino Municipal Police Station ang biktima kay Bernaned Acosta Barua, 53 anyos, may asawa kag residente sang Purok 4 sang nasambit nga barangay.
Suno sa inisyal nga imbestigasyon, nagapungko si Barua sa kilid sang isa ka sari-sari store kag nagasulat kaupod ang iya bayaw sang gilayon nga nagpalupok ang duha ka lalaki nga nagasuksok sang itom nga jacket.
Sakay ang mga suspek sang itom nga Suzuki Raider 150 nga wala sing plaka kag gilayon nga ginluthang ang biktima gamit ang wala pa mahibaluan nga sahi sang armas-luthang.
Pagkatapos sang pagpamusil, nagpalagyo ang mga suspek pakadto sa direksyon sang Barangay Malingon. Nakaangkon sang madamo nga pilas sa lawas si Barua kag madasig nga gindala sa ospital, apang gin-deklarar nga dead-on-arrival.
Samtang, nagpatigayon na sang hot pursuit operation ang kapulisan agud makilala kag madakpan ang mga suspek. Nakig-angot man ang President Quirino MPS sa Sultan Kudarat Provincial Forensic Unit para sa crime scene processing kag iban pa nga pag-usisa.
Sa pagkakaron, padayon ang imbestigasyon sang kapulisan para makilal-an ang identidad sang mga suspek kag ang motibo sa pagpamusil.
Photo Courtesy: Dayaw ka Pres. Quirino
