Arestado sang mga kapulisan ang isa sa ginakilala nga most wanted person nga ginatudlo nga gun-for-hire, sa isa ka warrant operation sa Barangay Poblacion, President Quirino, Sultan Kudarat, sang Lunes, Agosto 24, 2026.
Ginilala ang suspek Amir Utto Kido, alyas “Usman Kujepa Kido,” residente sang Barangay Damakling, Paglat, Maguindanao del Sur, nga ginakilala sang kapulisan bilang most wanted person sa Municipal, Provincial kag Regional levels.
Ginpatuman ang pag-areto banda alas-kuwatro sang hapon pinaagi sang Tracker Team sang Pandag Municipal Police Station, kaupod ang iban pa nga Police kag Law Enforcement Units.
Gintigayon sa suspek ang warrant of arrest nga ginpaguwa sang Regional Trial Court Branch 15 sa Shariff Aguak, Maguindanao, may kaangtanan sa duha ka kaso sang murder kag isa ka frustrated murder.
Wala sang ginrekomendar nga piyansa para sa duha ka murder cases, samtang P200,00.00 ang gin-rekomendar nga piyansa para sa kaso sang frustrated murder.
Samtang, ginakabig man sang kapulisan ang suspek nga may kaangtanan sa pagpang-atake kay Barangay Chairman Hadji Mansor Mangelen sang Barangay Damalusay, Paglat, sang Marso 30, 2026 kun sa diin pilason ang Barangay Chairman sa insidente, samtang napatay ang iya driver nga si Arapat Galay Abpet.
Pagkatapos sang operasyon, gindala ang suspek sa President Quirino Municipal Police Station para sa dokumentasyon kag nagakaigo nga legal nga proseso.
