Nagbarog gihapon hangtod karon sa Woolsthorpe Manor sa Lincolnshire, England ang apple tree nga gilambigit sa istorya sa pagkahimugso sa theory of gravity ni scientist Isaac Newton kapin 300 ka tuig na ang milabay.
Matud sa kasaysayan, nakakita si Newton og mansanas nga nahulog gikan sa kahoy niadtong 1660s, nga nakaaghat kaniya sa pagpangutana nganong diretso kining mahulog paingon sa yuta.
Ang maong pangutana nakatabang sa pagpalambo sa iyang ideya bahin sa universal gravitation. Gituohang mokabat na og 400 ka tuig ang Flower of Kent apple tree, nga nakalahutay bisan natumba atol sa bagyo niadtong 1816.
Hangtod karon, padayon gihapon kining mamulak ug mamunga, isip buhing bahin sa usa sa labing iladong sugilanon sa kasaysayan sa siyensya.
Photo Courtesy: The Vintage News
