Padayon ang Philippine Red Cross – Davao Oriental Chapter sa pag-awhag sa publiko nga modonar og dugo isip kabahin sa ilang misyon nga makatabang ug makaluwas og kinabuhi pinaagi sa Mobile Blood Donation.
Giawhag usab ang mga kwalipikadong indibidwal nga magboluntaryong modonar og dugo, tungod kay dako kini og ikatabang sa mga pasyenteng nanginahanglan og dugo sa panahon sa emerhensiya ug uban pang medikal nga panginahanglan.
Gipadayag sa organisasyon ang pagpasalamat sa tanang blood donors ug partner agencies sa ilang paghatag og dugang suporta ug pagdasig sa padayong kampanya alang sa pagluwas sa kinabuhi pinaagi sa boluntaryong pagdonar og dugo.
Photo courtesy: Red Cross
