Gipahibalo ni Jail Officer 2 Sheryl B. Estaca sa Bureau of Jail Management and Penology Lupon District Jail nga adunay limitasyon sa pagpasulod sa mga bisita nga gustong moduaw sa mga Persons Deprived of Liberty kun PDL nga anaa sa ilang kustodiya.
Gipasabot ni Estaca nga gipatuman ang maong limitasyon isip kabahin sa mga lakang sa seguridad aron masiguro ang kaluwasan sa tanang anaa sulod sa pasilidad, ilabina sa mga bisita ug sa mga PDL.
Samtang, gidasig usab ang mga gustong moduaw nga mosunod sa mga lagda ug pamaagi sa prisohan ug makigkooperar sa mga personahe aron mas hapsay ang proseso sa pagbisita.
Gihimo ang maong lakang aron nga malikayan ang posibleng mga insidente nga mahimong makadaot sa seguridad sulod sa prisohan.
