Nagpahigayon og pagbisita sa barangay ug dayalogo uban sa mga miyembro sa Barangay Peacekeeping Action Team, ang mga personahe sa Cateel Municipal Police Station didto sa Barangay San Miguel, Cateel, Davao Oriental niadtong nakalabay nga adlaw.
Atol sa pagbisita, gihisgotan ang kahimtang sa kalinaw ug kahusay sa barangay, ingon man ang paghipos sa mga importanteng impormasyon bahin sa mga kasamtangang kabalaka sa seguridad.
Pinaagi niini, gipalig-on ang koordinasyon ug kooperasyon tali sa kapulisan ug sa mga miyembro sa BPAT aron mas dali nga matubag ang mga posibleng hulga sa kalinaw ug kahapsay sa lugar.
Tumong sa maong inisyatibo nga mapalambo ang aktibong partisipasyon sa komunidad sa pagpugong sa krimen, mapalig-on ang panaghiusa tali sa mga otoridad ug sa katawhan.
Photo courtesy: Cateel Municipal Police Station
