Posibleng makadani og mga turista ang duha ka mga bag-ong waterfalls sa Barangay Upper Tibanban, Governor Generoso, Davao Oriental, nga gitan-aw isip potensiyal nga bag-ong destinasyon sa turismo sa lungsod. Lakip niini ang Igpit Falls, nga nailhan usab nga Balisa Falls, ug ang Sampaw Mababa Falls sa Sitio Balisa.
Ang Municipal Tourism Office nagpahigayon og trail assessment ug eksplorasyon aron masuta ang kahimtang sa mga agiahanan ug ang potensiyal sa maong mga lugar alang sa hiking, trekking ug ecotourism. Kabahin kini sa paningkamot sa lokal nga panggamhanan nga mapaila ang mga natagong katahom sa Governor Generoso.
Gilauman nga kon mapalambo sa hustong paagi, makatabang kini sa pagdani og mga bisita ug paghatag og dugang panginabuhian sa mga lumulupyo, nga nag-una gihapon ang kaluwasan ug pagpanalipod sa kinaiyahan.
Photo courtesy: Municipal Tourism Office
