Usa ka dakong bitin ang nakit-an sa mga residente nga misulod sa likod nga bahin sa sakyanan didto sa Sitio Apo, Barangay Suawan, Davao City niadtong nakalabay nga adlaw.
Sumala sa impormasyon ni Daisy Mae Suboy Sanchez, kinsa nakakuha sa video nga gikan sa Barangay Tambobong ang maong sakyanan diin niadtong higayona naghatod kini og pasyente.
Nasayran nga aksidenteng naligsan sa sakyanan ang maong bitin nga miresulta sa pagsulod niini. Samtang, gitabangan sa mga residente ang pagkuha sa gituohang sawa, apan misuksok ug naipit kini sa sulod maong nakdesisyon sila nga gamitan kini og grinder aron makuha.
Apan sa pipila ka minuto nga milabay, patay na ang bitin sa dihang malampusong nakuha gikan sa sakyanan. Hinuon, luwas ra ang tanan ug walay gika-report nga naangol atol sa maong insidente.
Photo courtesy: Daisy Mae Suboy Sanchez
